جرح الحبيب
Tuesday, April 17, 2007
كرامة من تحب في يدك
إزيكو أنا عملت البلوج دة مخصوص عشان عيون البنوتات إللي بيتجرحو كل يوم وبرضه بيعدو و بيحبو ياريت كل إللي هايقرا البلوج يفهم إللي باقصده ..........إنتو عارفين الحب جميل فعلا و الكل بيتجرح و يحب و الكلام إللي بيتقال هو إن الحب مافيهوش كرامة...............أنا بقا جاية أصحح أو أحاول تصحيح بعض من الأوضاع دي و ياريت كل إللي عندو حكاية يرد علية و يحكيها مع كل جرح إتجرحو بالتفصيل..............نتكلم بجد شوية: الحب دة عبارة عن بحر غويط جدا ليه أمواج و ساعات بقا أمواجه دي تاخد كل إللي بيموتو في بعض وتنهي أحلى قصص للحب أكيد كلكو بتقولو إزاي أنا هاقولكو بصو بقا الولد بيجي في مرة و ييزعل بنوته منه أوي سواء كانت مرتبطة رسمي أو غير رسمي بيه و بعدين عاوزها هي مع كل دة تيجي لغاية عنده و تتكلم معاه و تصالحه والبعض منهم بيعملو كدة و يقولو إن الحب مافيهوش كرامة بل بالعكس دة الحب هو الحفاظ على الكرامة و البنات زي مانتو عارفين مابيقدروش يبعدو لحظة على إللي بيحبوه بس طبعا مش كلهم بس أنا باتكلم على أغلبية عظمى موجودة بالفعل و بعدين تعدي كل الجراح و تنسى كأن لم يكن ..لكن إللي نفسي كل بنت تعملو إنها تتقل شوية و تصبر على رزقها شوية بس مش معنى كدة إنها تتغير و تقسى بس تعمل لنفسها كرامة مع إللي بتحبه عشان المفروض إنه يفهم إنه كرامتها وهي كرامته و لو فهم كدة عمره ماكان يفكر إنه يزعلها أو يجرحها...........ياريت كل إللي هايقرا البلوج يكتبلي حكايته و نشوف إننا لو كنا بنخاف على كرامة بعض ولا لأ.......................أنا مستنياكو
Labels: كرامة من تحب في يدك
2 Comments:
This comment has been removed by the author.
كلامك صح 100 فى 100 والموضوع سؤاء على الولد ولا البنت كرامة الاتنين لازم تكون محفوظة بس بين الازواج فى حاجة اسمها المدة والرحمة قبل الحب اللى يبادر الاول فى المصالحة اعتقد ده شئ كويس بالنسبالهم
Post a Comment
<< Home